ANT. AD INTROITUM Mt 18, 3 

Nisi conversi fueritis et efficiamini sicut parvuli, 
non intrabitis in regnum caelorum. 

COLECTA 
Deus, qui innocentiam diligis et humiles exaltas, 
da nobis, ut exemplo beatorum Francisci et Hyacinthae, 
puritate cordis tibi servientes, 
in regnum caelorum introire mereamur. 
Per Dominum. 

SUPER OBLATA 
Respice, Domine, 
munera et preces famulorum tuorum, 
ut et delicta nostra miseratus absolvas 
et ad te peccatores benignus convertas. 
Per Christum. 

ANT. AD COMMUNIONEM cf. Mt 11, 25 
Confiteor tibi, Domine caeli et terrae, 
quia parvulis revelasti mysteria regni. 

POST COMMUNIONEM 
Sacramenta quae sumpsimus, Domine, 
illam nobis dilectionem accendant, 
qua beati tui Franciscus et Hyacintha, 
tibi soli adhaerere ferventes, 
toto corde pro omnium salute se impendere studuerunt. 
Per Christum. 

LECTIONES 
LECTIO I I Sam 3, 1.3-10: «Loquere, Domine, quia audit servus tuus» 
In illis diebus, puer Samuel ministrabat Domino … 

PS. RESP. Lc 1, 46-52 
R. (cf. 52b): Dominus exaltavit humiles. 

ALLELUIA Ps 118 (119), 130 
Declaratio sermonum tuorum illuminat 
et intellectum dat parvulis. 

EVANG. Mt 18, 1-5.10:   «Quicumque humiliabitur se sicut parvulus iste, hic est maior in regno caelorum» 
In illo tempore, accesserunt discipuli ad Iesum … Videte.